Audio discussions and desana
පෙර අවිද්‍යාසම්ප්‍රයුක්ත කර්මයත් තණ්හාවත් ආහාරයත් හේතුව හටගැනුනු මෙම ආයතනයන්, මෙතෙක් අප සංසාරයෙහි අවිද්‍යාව සම්ප්‍රයුක්තව ආ ගමනේදී අත්විඳි ලෝකයම නැවත අත්වින්දවිමට ඔබින අයුරින් මෙවරත් සැකසී සිටි. එය, සසරෙහි බුදු නුවනක් හමු නොවූ හේතුවෙන් සම්මා දිට්ඨියක් හමුනොවිමෙන්, අවිද්‍යා සහගත පැවැත්මම අදහමින්, තෘෂ්ණාවෙන් උපාදාන කරගත් භව ගමනනෙහි නවතම නිපැයුමයි.
(ගරුතර එල්ලාවල විජිතානන්ද හිමියන් විසින් පවත්වන ලද අනගි දේශනාවකි.)
ලෝකෝත්තර භාවයට පත්වීම යනු චතුරාර්‍ය සත්‍යය අවභෝදයෙන් සීල සමාධි ප්‍රඥා පදනම් වු ආර්‍ය්‍ය අෂ්ටාංගික මර්ගය වැඩිමයි. නිවැරදි සීලයකින් කය වචනය සංවරවීමෙන් තැන්පත්වූ සිත, භාවනාවෙන් නීවරණයන් යටපත්කොටගත් සමාධියකින් ලෝකෝත්තර දහම ප්‍රඥාවෙහි පිහිටුවීමයි.
ලෝකෝත්තර ධර්මයන් නිවරන සම්ප්‍රයුක්ත සිතකට ගෝචර නොවන, නීවරණ සංසිඳුනු සමාධිගත සිතකින් පමණක් අත්විඳිය හැක්කක් බව බුදුරජාණන් වහන්සේ පෙන්වා දුන් සේක. ප්‍රඥාව වැඩීමට සමාදියක අවැසිබව ඇතිවන්නේ එහෙයිනි.
